⚡️Shomanayda avtomobil jolları ońlanbaqta

Qaraqalpaqstan Respublikası boylap jol infrastrukturasın jaqsılaw hám aydawshılar ushın qolaylı sharayatlar jaratıw baǵdarındaǵı jumıslar jedel dawam ettirilmekte. Atap aytqanda, D235 (4R177) “Qanlıkól” t.j. bándirgisi – Shomanay qalası – “Qarabaylı” t.j. bándirgisi avtomobil jolınıń jaǵdayın jaqsılaw hám transport háreketi qáwipsizligin támiyinlew maqsetinde gezektegi ońlaw jumısları baslap jiberildi.

Házirgi waqıtta usı avtomobil jolınıń 34-35 hám 35-37-kilometrler aralıǵındaǵı bólimlerinde Shomanay rayonı jollardan paydalanıw mámleketlik shólkeminiń jumısshı-xızmetkerleri tárepinen sistemalı jumıslar alıp barılmaqta. Processte qaplamada payda bolǵan nuqsanlar arnawlı jol frezası járdeminde kesip alınıp, jańadan asfalt qaplaması jatqarılmaqta.

Bunday ámeliy háreketler tek ǵana jollardıń xızmet etiw múddetin sozdırıp qoymastan, al aymaqlıq ekonomikalıq baylanıslardı rawajlandırıw hám xalıqtıń uzaǵın jaqın etiwde úlken áhmiyetke iye.