⚡️Xojelide áhmiyetli jol infrastrukturalıq ózgeris

Xojeli rayonı aymaǵında D154 avtomobil jolı menen D232 avtomobil jolınıń kesilisken bóleginde áhmiyetli ózgeris ámelge asırılmaqta. Bul aymaqtaǵı aylanba jol transport háreketi qáwipsizligin arttırıw hám joldıń ótkeriwsheńlik qábiletin jaqsılaw maqsetinde zamanagóy kesilispege aylandırılmaqta.

Qurılıs jumısları Xojeli rayonı Jollardan paydalanıw mámleketlik shólkemi tárepinen alıp barılmaqta. Házirgi waqıtta eski asfalt qaplaması freza járdeminde kesip alınıp, aymaq jańa joybarǵa tayarlanbaqta.

Bul ózgeris nátiyjesinde kesilispede háreket qáwipsizligi artadı, sebebi transport aǵımı jol belekleri hám tártipke salıw quralları arqalı anıq basqarıladı. Sonıń menen birge, aydawshılar artıqsha aylanıssız tuwrıdan-tuwrı kerekli baǵdarda háreketlene aladı, bul bolsa waqıttı únemleydi. Nátiyjede transport aǵımı jáne de tártipli hám tez boladı, tıǵılıslar azayadı. Bunnan tısqarı, úlken júk mashinaları ushın da burılıslar ańsatlasıp, háreketleniw jáne de qolaylasadı.

Aldın bul aymaqtaǵı háreket tártibi rayon xalqı hám rayonǵa keliwshiler ushın belgili bir qolaysızlıqlar tuwdırıp kelgen bolsa, ámelge asırılıp atırǵan bul jumıslar bar mashqalalardı saplastırıwǵa xızmet etedi.