⚡️Taqıyatas rayonına alıp barıwshı avtomobil jolında ońlaw jumısları alıp barılmaqta

Taqıyatas rayonı aymaǵınan ótiwshi mámleketlik áhmiyetke iye D154 “A380 Ǵuzar-Buxara-Nókis-Beynew avtomobil jolınan (775 km) — Taqıyatas qalası” jónelisiniń 0—1,3-km bóleginde asfalt qaplamasın tósew jumısları ámelge asırılmaqta.

Bul qurılıs-ońlaw jumısları Taqıyatas rayonı Jollardan paydalanıw mámleketlik shólkemi tárepinen alıp barılmaqta. Processke 10 nan aslam arnawlı texnika hám 15 ten aslam jumısshı tartılǵan bolıp, jumıslar belgilengen reje tiykarında jedellik penen orınlanbaqta.

Búgingi kúnde húrmetli Prezidentimiz tárepinen mámleketimizde jol infrastrukturasın túp-tiykarınan jaqsılaw, xalıq ushın qolaylı hám qáwipsiz transport sharayatların jaratıw máselelerine ayrıqsha itibar qaratılmaqta. Ásirese, Qaraqalpaqstan Respublikasın sociallıq-ekonomikalıq rawajlandırıw, aymaqlarda zamanagóy jol tarmaqların qurıw baǵdarında alǵa qoyılıp atırǵan baslamalar usınday joybarlarda óziniń ayqın kórinisin tappaqta.

Aymaqlarda ámelge asırılıp atırǵan bunday jumıslar tek ǵana transport qatnawın jeńillestirip qoymastan, al xalıqtıń turmıs dárejesin arttırıw, ekonomikalıq belsendilikti kúsheytiwge de xızmet etedi.