⚡️Jolshı hayal-qızlar arasında shaxmat-shashka boyınsha jarıs ótkerildi

Mámleketimizde 8-mart — Xalıqaralıq hayal-qızlar bayramın keńnen belgilew hám usı jıldıń 15-fevralınan 15-martına shekem “Hayal-qızlardı qádirlew aylıǵı” nı joqarı dárejede ótkeriw maqsetinde Ministrler Kabinetiniń tiyisli bayanatınıń orınlanıwı támiyinlenbekte.

Usı múnásibet penen Qaraqalpaqstan Respublikası Avtomobil jolları bas basqarması sistemasındaǵı hayal-qızlar arasında sporttıń shaxmat hám shashka túrleri boyınsha Beruniy rayonında jarıs shólkemlestirildi.

Jarısta Beruniy, Ellikqala hám Tórtkól rayonı Jollardan paydalanıw mámleketlik shólkemi xızmetkerleri óz-ara kúsh sınastı.

Mawasasız ótken aqıl-parasatlar juwmaǵı boyınsha:

🥇 1-orın Sapayeva Gavxar Tórtkól RJPMSh
🥈 2-orın Radjapova Nazokat Beruniy RJPMSh
🥉 3-orın Bektibaeva Jibek Ellikqala RJPMSh jeńimpaz boldı.

Sport – salamatlıq girewi! Bayramıńız múbárek bolsın, áziz hayal-qızlar!