⚡️ Yo‘lchi ayollar o‘rtasida shaxmat-shashka bo‘yicha musobaqa o‘tkazildi

Mámleketimizde 8-mart — Xalıqaralıq hayal-qızlar bayramın keńnen belgilew hám usı jıldıń 15-fevralınan 15-martına shekem “Hayal-qızlardı qádirlew aylıǵı” nı joqarı dárejede ótkeriw maqsetinde Ministrler Kabinetiniń tiyisli bayanatınıń orınlanıwı támiyinlenbekte.

Usı múnásibet penen Qaraqalpaqstan Respublikası Avtomobil jolları Bas basqarması sistemasındaǵı hayal-qızlar arasında sporttıń shaxmat-shashka túrleri boyınsha jarıs shólkemlestirildi.

Jarısta Bas basqarma apparatı, Qaraqalpaqstan JTPMSh, Ámiwdárya RJPMSh, Qıpshaq JTPMSh, Qarataw JTPMSh hámde Aymaqlıq jollarǵa buyırtpashı xızmeti mámleketlik mákemesi xızmetkerleri óz-ara kúsh sınastı.

Mawasasız ótken aqıl-oy tartıslarınıń juwmaǵı boyınsha:

🥇 Shaxmat boyınsha: S. Seytjanova (Qıpshaq JTPMSh);
🥇 Shashka boyınsha: S.Palwanova (Qaratov JTPMSh) jeńimpazlıqtı qolǵa kirgizdi.

Atap ótiw orınlı, bunday sport jarısları hám mádeniy ilajlar sistemadaǵı basqa da rayonlıq jollardan paydalanıw mámleketlik mákemelerinde de kóterińki ruwxta dawam ettiriledi.

Sport – salamatlıq girewi! Bayramıńız múbárek bolsın, áziz hayal-qızlar!