⚡️Aralboyı transport prokurorı basshılıǵında aymaqlarda úyreniw jumısları alıp barıldı

Qaraqalpaqstan Respublikası Aralboyı transport prokurorı D.Madenov hám Bas basqarma baslıǵı U. Matnazarov Beruniy, Ellikqala hám Tórtkól rayonları Jollardan paydalanıw mámleketlik mákemelerinde bolıp, orınlarda ámelge asırılıp atırǵan jumıslardıń jaǵdayın úyrendi.

Sapar dawamında taraw jumısına baylanıslı máseleler boyınsha hár tárepleme úyreniw jumısları alıp barıldı, bar mashqalalar tallanıp, olardı saplastırıw boyınsha anıq tapsırmalar berildi. Sonday-aq, kárxanalardaǵı arnawlı texnikalardıń texnikalıq jaǵdayı, olardıń tayarlıǵı hám máwsimge tayarlıq dárejesi de kózden ótkerildi.

Xızmetkerler menen kóshpeli qabıllaw shólkemlestirilip, olardıń múrájat hám usınısları tıńlandı. Kóterilgen máseleler boyınsha juwapkerlerge tiyisli wazıypalar belgilep berilip, orınlanıwı qadaǵalawǵa alındı.