⚡️Korrupciyaǵa qarsı gúresiw máseleleri dodalandı

Qaraqalpaqstan Respublikası Avtomobil jolları Bas basqarmasında Qaraqalpaqstan Respublikası Aralboyı transport prokurorı D.Madenov qatnasıwında ushırasıw bolıp ótti.

Bul ushırasıwda Bas basqarma baslıǵı U.Matnazarov hám sistema xızmetkerleri qatnastı. Ilaj dawamında tarawda korrupciyanıń aldın alıw, ashıq-aydınlıqtı támiyinlew, ishki qadaǵalaw mexanizmlerin kúsheytiw máseleleri dodalandı.

Sonday-aq, Bas basqarmanıń korrupciyaǵa qarsı ishki qadaǵalaw boyınsha bas qánigesi A.Uzaqbergenov hám Aymaqlıq jollarǵa buyırtpashı xızmeti mámleketlik mákemesiniń yuristi U.Raxmanova shıǵıp sóylep, korrupciyaǵa qarsı gúresiw baǵdarındaǵı nızamshılıq talapları, xızmetkerlerdiń juwapkershiligi hám profilaktikalıq ilajlar boyınsha májilis qatnasıwshılarına hár tárepleme túsinikler berdi.

Ushırasıw juwmaǵında korrupciyaǵa qarsı gúresiw baǵdarında sistemalı jumıslardı dawam ettiriw jáne nızamlılıq hám ashıq-aydınlıqtı támiyinlew boyınsha anıq wazıypalar belgilep alındı.