⚡️Rayonlıq jol shólkemlerinde korrupciyaǵa qarsı gúresiw máseleleri dodalandı

Ózbekstan Respublikası Prezidentiniń Oliy Majlis hám Ózbekstan xalqına jollaǵan Múrájatında belgilengen tiykarǵı wazıypalar hám 2025-jıl 30-dekabrdegi “Ózbekstan Respublikasında korrupciyanıń aldın alıw hám oǵan qarsı gúresiw sistemasın bunnan bılay da jetilistiriw haqqında”ǵı PP-270-sanlı Pármanınıń orınlanıwın támiyinlew maqsetinde Qońırat rayonındaǵı Jollardan paydalanıw mámleketlik shólkemlerinde úgit-násiyat ushırasıwları shólkemlestirildi.

Ilajda Qaraqalpaqstan Respublikası Avtomobil jolları Bas basqarmasınıń korrupciyaǵa qarsı ishki qadaǵalaw boyınsha bas qánigesi A.Uzaqbergenov hám taraw xızmetkerleri qatnastı.

Ushırasıwlar dawamında korrupciyaǵa qarsı gúresiw baǵdarında belgilengen tiykarǵı baǵdarlar, mámleketlik shólkemlerdiń moynındaǵı juwapkershilik, sonday-aq, ámeldegi normativlik-huqıqıy hújjetlerdiń mazmunı hám ámeliy áhmiyeti hár tárepleme túsindirildi.