⚡️RÁSMIY MÚNÁSIBET

Sociallıq tarmaqlarda tarqalǵan múrájatqa (https://t.me/Kar24Uz/50717) Qaraqalpaqstan Respublikası Avtomobil jolları Bas basqarması rásmiy múnásibet bildiredi.

Múrájatta Qońırat rayonı aymaǵındaǵı D231B “Qońırat qalasına kiriw” avtomobil jolınıń 2,1-km bóleginde jaylasqan kópir hám 95V117 (4H79) “Qońırat qalası – Ravshan Saksovulsanı DFX” avtomobil jolınıń 3,6 kilometr bóleginiń jaǵdayı boyınsha sın material járiyalanǵan.

Múrájatta kórsetilgen kópir 10-fevraldan baslap ońlaw jumısları alıp barılıwı múnásibeti menen jabılǵan bolıp, házirgi waqıtta qurılıs jumısları baslap jiberilgen. Bul jaǵday boyınsha Bas basqarmanıń rásmiy Telegram betinde de xabar berilgen. (https://t.me/qaraqalpaq_avtojol/15843)

Múrájatta keltirilgen avtomobil jolı 95V117 (4H79) “Qońırat qalası – Ravshan Saksovulsanı DFX” avtomobil jolınıń 3,6 kilometr bólegi bolıp esaplanadı. Bul avtomobil jolı Ózbekstan Respublikası Prezidentiniń 2025-jıl 1-apreldegi PQ-132-sanlı qararına muwapıq, 0-4,1 kilometr aralıǵında ońlaw jumısları ámelge asırılıwı belgilengen.

2025-jıl dawamında joldıń 0-3-km bóleginde piyadalar jolı, túngi jaqtılandırıw sistemaları hám beton salmalar qurıw jumısları orınlandı. Sonday-aq, avtomobil jolı 7 metrden 15 metrge keńeytildi.

Múrájatta kórsetilgen 3,6 km bóleginde ońlaw jumısları da joqarıdaǵı tártipte usı jıl dawamında basqıshpa-basqısh ámelge asırılatuǵınlıǵın málim etemiz.