⚡️Qanlıkólde “Baslamalı byudjet” joybarı sheńberinde ishki kóshelerge asfalt tóseldi

Qanlıkól rayonı “Arzımbetqum” APJ aymaǵındaǵı bir qatar ishki kóshelerde jol infrastrukturasın jaqsılaw jumısları tabıslı juwmaqlandı. Sonıń ishinde, Oqıwshılar kóshesiniń 541 metr, Ilimpazlar kóshesiniń 500 metr hám Nurlı kóshesiniń 751 metr bóleginde qara qaplamalı asfalt tóseldi. Ulıwma esapta 1 kilometr 792 metr jol bólegi jańadan ońlandı.

Bul qurılıs jumısları Qanlıkól rayonı Jollardan paydalanıw mámleketlik shólkemi tárepinen ámelge asırıldı. Processke 5 arnawlı texnika hám 12 jumısshı tartıldı.

Bul joybar “Baslamalı byudjet” baǵdarlamasınıń 2025-jıl 2-máwsiminde jeńimpaz dep tabılǵan bolıp, búgingi kúnde belgilengen jumıslar tolıq juwmaǵına jetkerildi.