⚡️Máwsimlik jumıslarǵa arnalǵan texnikalardıń tayarlıǵı kózden ótkerildi

Ózbekstan Respublikası IIM JHQB JHQX baslıǵı, polkovnik Sh. Ibragimov tárepinen Qaraqalpaqstan Respublikasında gúz-qıs máwsimine tayarlıq jaǵdayı úyrenildi.

Úyreniw proccesinde jol xojalıǵı shólkemleri tárepinen tayarlanǵan qum hám duz rezervleri, arnawlı texnikalardıń saz jaǵdayı hám olardıń máwsimlik jumıslarǵa tayarlıǵı kózden ótkerildi.

Sonday-aq, polkovnik Sh. Ibragimov D154 “A380 avtomobil jolınan (775-km) – Taqıyatas qalası” avtomobil jolınıń 1,3-4,8 kilometr (3,5 km) bóleginde jol boyında velosiped hám skuterler háreketi ushın óz aldına jol shólkemlestiriw joybarı menen tanıstı.

Bul joybar jol háreketi qáwipsizligin arttırıw, ásirese, eki dóńgelekli transport quralları aydawshıları ushın qolaylı hám qáwipsiz sharayatlar jaratıwǵa xızmet etiwin atap ótti.