⚡️Erte tańnan jolshılar xızmette

Respublikamız aymaǵında túni boyı jawǵan qar sebepli avtomobil jollarında muzǵalaqlar payda bolıwına hám avtotransportlardıń qatnawına unamsız tásir kórsetiwi múmkin. Aydawshılarǵa qolaylıq jaratıw, hár qıylı kewilsiz hádiyselerdiń aldın alıw maqsetinde Qaraqalpaqstan Respublikası Avtomobil jolları bas basqarması sistemasındaǵı barlıq rayonlıq jol xojalıq mákemeleriniń jumısshı-xızmetkerleri tárepinen ulıwma paydalanıwdaǵı avtomobil jollarında qardan tazalaw jumısları alıp barılmaqta. Házirgi waqıtta bul jumıslarǵa barlıq arnawlı texnikalar tartılıp, avtomobil jollarına qum-duz aralaspası sebilmekte.