⚡️RÁSMIY MÚNÁSIBET

Sociallıq tarmaqlarda D232 “Nókis — Xojeli” avtomobil jolınıń 13—14-kilometrinde túngi jaqtılandırıw shıraqları islemey atırǵanı boyınsha videomúrájat (https://t.me/Hoja_uz/17579) tarqaldı.

Bul jaǵday boyınsha málim etemiz, Ózbekstan Respublikası Prezidentiniń 2017-jıl 14-fevraldaǵı PQ-2776-sanlı qararına muwapıq, qalalar, qala posyolkaları, awıllar aymaǵındaǵı kóshelerdi saqlaw, abadanlastırıw hám jaqtılandırıw jumısları tiyisli qala hám rayon hákimlikleriniń abadanlastırıw basqarmaları tárepinen jergilikli byudjet qarjıları esabınan ámelge asırılıwı belgilengen.

Bul másele turaqlı qadaǵalawǵa alınǵan bolıp, anıqlanǵan kemshiliklerdi saplastırıw boyınsha tiyisli juwapker uyımlar menen birgelikte zárúr ilajlar kórilip atırǵanın málim etemiz.