⚡️A380 jolı boyında jańa investiciyalıq joybarlardı ámelge asırıw máselesi dodalandı

Qaraqalpaqstan Respublikası Avtomobil jolları Bas basqarması baslıǵı U.Matnazarovtıń qatnasıwında BAÁ mámleketiniń “TATWEER” kompaniyası wákilleri menen Zoom arqalı ushırasıw bolıp ótti.

Ushırasıw dawamında Xalıqaralıq áhmiyetke iye A380 avtomobil jolı boyında kempingler, servis obektlerin qurıw, xızmet kórsetiw shaqapshaların shólkemlestiriw hámde avtomobil jolların sanlastırıw baǵdarlarında birge islesiw máseleleri kórip shıǵıldı.

Sóylesiw juwmaǵında tárepler joybarlardıń texnikalıq hám investiciyalıq táreplerin tereń úyreniw jáne keleshekte ámeliy birge islesiwdi dawam ettiriwge kelisip aldı.