⚡️Konstituciya – xalqımız erkinligi hám rawajlanıwınıń bekkem tiykarı

Qaraqalpaqstan Respublikası Avtomobil jolları Bas basqarmasında 8-dekabr — Ózbekstan Respublikası Konstituciyası qabıl etilgen kún múnásibeti menen ilaj bolıp ótti. Onda Bas basqarma xızmetkerleri, taraw wákilleri hám jas qánigeler qatnastı.

Ilajdı Bas basqarma baslıǵı U.Matnazarov ashıp berdi. Ol óziniń qutlıqlaw sózinde Konstituciyanıń xalqımız turmısındaǵı ornı hám áhmiyetine ayrıqsha toqtap ótti. Tiykarǵı nızamımız milliy mámleketshiligimizdiń bas hújjeti sıpatında jámiyetimizdiń rawajlanıwına xızmet etip atırǵanı, onda xalıqtıń mápleri, huqıqları menen erkinlikleri joqarı qádiriyat sıpatında bekkemlengenin atap ótti. Sonday-aq, jol infrastrukturasın rawajlandırıw baǵdarındaǵı reformalar da Konstituciyamızda belgilengen principler tiykarında ámelge asırılıp atırǵanın atap ótti.

Ilaj dawamında Qaraqalpaqstan Respublikası Aymaqlıq jollarǵa buyırtpashı xızmeti mámleketlik shólkeminiń bas yuristi U.Raxmanova shıǵıp sóyledi. Ol qatnasıwshılardı bayram menen qutlıqlap, Konstituciyada belgilengen insan huqıqları, olardıń kepillikleri hám hár bir puqaranıń nızam aldında teńligi haqqında maǵlıwmat berdi. Onıń atap ótiwinshe, tiykarǵı nızamımızda belgilengen demokratiyalıq principler jámiyette ádillik hám rawajlanıwǵa bekkem tiykar jaratadı.

Ilaj sońında Konstituciya xalıq máplerine xızmet etetuǵın barlıq reformalardıń tiykarǵı hújjeti ekeni atap ótildi. Qatnasıwshılar Tiykarǵı nızam ruwxına sadıq qalǵan halda, jol infrastrukturasın rawajlandırıw jolındaǵı jumıstı bunnan bılay da dawam ettiretuǵının bildirdi.