⚡️RÁSMIY MÚNÁSIBET

Sociallıq tarmaqlarda A380 “Ǵuzar-Buxara-Nókis-Beynew” avtomobil jolınıń Taqıyatas rayonı aymaǵınan ótken 775-781-kilometr bóleginiń jaǵdayı boyınsha bildirilgen múrájat (https://t.me/abdumalikovich_uzb/16898) boyınsha Qaraqalpaqstan Respublikası Avtomobil jolları bas basqarması rásmiy múnásibet bildiredi.

Ózbekstan Respublikası Ministrler Kabinetiniń 2024-jıl 14-fevraldaǵı 92-sanlı qararınıń 6-qosımshasına tiykar A380 “Ǵuzar-Buxara-Nókis-Beynew” avtomobil jolınıń 765-806-kilometr (41 km) bólegin qayta qurıw belgilengen. Házirgi waqıtta usı joybar boyınsha texnikalıq hújjetlerdi tayarlaw jumısları alıp barılmaqta.

Sonday-aq, joqarıda atap ótilgen avtomobil jolınıń ayırım bólimleri házirgi waqıtta ońlawǵa mútáj jaǵdayǵa kelip qalǵanlıǵı sebepli, aydawshılardıń qáwipsizligin támiyinlew maqsetinde A380 avtomobil jolınıń 773.5-km bóliminen 95V025 “Nókis qalası – D232 avtomobil jolı (4 km) – Taqıyatas suw bólistirgishi” avtomobil jolı arqalı aylanba jol da bar. Oǵan alternativ tárizde transport qurallarınıń háreketi áyne usı jónelis arqalı ámelge asırılıwı múmkin.

Bul jol boyınsha anıqlanǵan kemshilikler turaqlı túrde úyrenilip, qáwipsiz háreketti támiyinlew ilajlarına tiykarǵı áhmiyet qaratılatuǵının málim etemiz.