⚡️Ámiwdárya rayonında ishki jollar asfaltlanbaqta

Ámiwdárya rayonı “Ózbekstan” MPJ aymaǵındaǵı Baysheshek kóshesiniń 1 km 626 metr bólegi jańadan asfaltlandı. Bul jol xalıqtıń eń kóp paydalanatuǵın jollarınan biri bolǵanı sebepli, jańalanıw máhálle xalqınıń háreketleniwinde úlken qolaylıq jarattı.

Bul joybar “Baslamalı byudjet” baǵdarlamasınıń 2025-jıl 2-máwsimi sheńberinde ámelge asırılǵan bolıp, xalıqtıń usınısı menen jeńimpaz bolǵan joybarlardan biri bolıp esaplanadı. Bul jumıslar aymaqtıń infrastrukturasın jaqsılaw, transport háreketin jáne de tegis hám qáwipsiz etiwge xızmet etpekte.