⚡️Qońırat rayonı orayına alıp barıwshı avtomobil jolı rekonstrukciyalanadı hám Qońırat rayonınıń belgisi sıpatında zamanagóy “Dárwaza” qurıladı

Húrmetli Prezidentimizdiń 2025-jıl 1-aprel kúngi PQ-132-sanlı qararı menen tastıyıqlanǵan “Qońırat rayonın 2025-2026-jıllarda jedel kompleksli rawajlandırıw baǵdarlaması” sheńberinde A-380 xalıqaralıq avtomobil jolınıń 873-km.den (xalıq tilinde “Ústirt povorot”) rayon orayına alıp kiriwshi hám alıp shıǵıwshı tiykarǵı jol qurıladı hám usı aymaqta “Qońırat rayonı” aymaǵına kiriw hám shıǵıw belgisi sıpatında “Zamanagóy hám kórkem Dárwaza” qurıladı hámde sawda hám servis xızmeti jolǵa qoyıladı.

Bunda, házirgi waqıtta A-380 xalıqaralıq avtomobil jolınıń 871-km.den (xalıq tilinde Nayman povorot) rayon orayına alıp barıwshı bir tárepleme kiriw jolı jabıladı.

Qurılıs hám rekonstrukciya jumısları usı jıldıń noyabr ayında baslanıwı rejelestirilgen.

Búgingi kúnde joybar smeta hújjetleri tastıyıqlanıp tender sawdaların ótkeriw boyınsha jumıslar dawam etpekte.