⚡️Ámiwdáryada uzaq kútilgen jol ońlanıwı baslandı!

Ámiwdárya rayonı aymaǵındaǵı D217A “Jumırtaw káni arqalı – Ámiwdáryaǵa” avtomobil jolında ońlaw jumısları qızǵın dawam etpekte.

Bul jol xalıqtıń kúndelikli turmısında, atap aytqanda, kán aymaǵında miynet etip atırǵan jumısshılar, jergilikli xalıq hám transport qurallarınıń háreketi ushın úlken áhmiyetke iye. Jıllar dawamında paydalanıw procesinde joldıń ayırım bólimleri jaramsız jaǵdayǵa kelgenligi sebepli, bul másele xalıqtıń eń áhmiyetli mashqalalarınan biri sıpatında kóterilip kelingen.

Búgingi kúnde ońlaw jumısları qızǵın dawam etpekte hám qısqa waqıtta jol tolıq paydalanıwǵa tapsırılıwı rejelestirilgen.

Bul baslama rayonda infrastrukturanı jaqsılaw, xalıqtıń turmıs sapasın arttırıw hám aymaqlar aralıq baylanıstı bekkemlew jolındaǵı áhmiyetli qádemlerden biri bolıp esaplanadı.