⚡️Avtomobil jolları komiteti baslıǵınıń orınbasarı tárepinen kóshpeli qabıllaw ótkerildi

 Qaraqalpaqstan Respublikası Nókis qalasında Avtomobil jolları komiteti baslıǵınıń orınbasarı Shuxrat Nazarov tárepinen kóshpeli qabıllaw ótkerildi. Oǵan Qaraqalpaqstan Respublikası Avtomobil jolları Bas basqarması baslıǵı Umrbek Matnazarov hám juwapker kárxana hám shólkemlerdiń basshıları qatnastı.

Ushırasıw dawamında puqaralar ózlerin qıynap kiyatırǵan jol xojalıǵına baylanıslı máseleler boyınsha múrájat etti.  Kelip túsken múrájatlardıń tiykarǵı bólegi usı jerdiń ózinde unamlı sheshimin tapqan bolsa, múddet talap etiwshi múrájatlardı sheshiw boyınsha tiyisli juwapkerlerge anıq tapsırma hám kórsetpeler berilip, orınlanıwı qadaǵalawǵa alındı.

Kóshpeli qabıllaw dawamında tek ǵana puqaralardıń emes, al basqarma sistemasında jumıs alıp barıp atırǵan xızmetkerlerdiń múrájatları da tıńlandı.