Mápler soqlıǵısıwınıń aldın alıw boyınsha huqıqıy úgit-násiyat jumısları ótkerildi

14-oktyabr kúni Qaraqalpaqstan Respublikası Jollardan turaqlı paydalanıw mámleketlik shólkeminde xızmetkerler arasında mápler soqlıǵısıwınıń aldın alıwǵa baǵıshlanǵan huqıqıy úgit-násiyatlaw ilajı ótkerildi.

Ilajda 2024-jıl 6-dekabrde kúshke kirgen “Mápler soqlıǵısıwı haqqında”ǵı Ózbekstan Respublikasınıń 931-sanlı Nızamınıń mazmun-mánisi hám Korrupciyaǵa qarsı gúresiw agentliginiń bul baǵdardaǵı wazıypaları haqqında tolıq túsinikler berildi.

Xızmetkerlerge xızmet jumısında hadallıq, ashıq-aydınlıq hám mápler soqlıǵısıwınıń aldın alıwdıń áhmiyeti, sonday-aq, bunday jaǵdaylar júzege kelgende durıs xabar beriw tártibi haqqında maǵlıwmatlar jetkerildi.

Ilaj juwmaǵında nızam talaplarına ámel etiw, kárxana jumısında ashıq-aydınlıq hám juwapkershilikti kúsheytiw zárúr ekenligi ayrıqsha atap ótildi.