⚡️ Jol infrastrukturasına itibar – ámelde

Húrmetli Prezidentimizdiń jol xojalıǵını rawajlandırıw hám aymaqlar infrastrukturasın jańalawǵa qaratıp atırǵan ayrıqsha itibarınıń ámeliy nátiyjesi sıpatında, Respublikamızdıń bir qatar aymaqlarında keń kólemli jumıslar ámelge asırılmaqta.

Atap aytqanda, Shımbay rayonında Ózbekstan Respublikası Prezidentiniń “Respublika aymaqların jedel kompleksli rawajlandırıw ushın tańlap alınǵan rayon (qala) larda ámeliy ilajlardı ámelge asırıw haqqında”ǵı PQ-132-sanlı qararına tiykarlanıp, Shımbay rayonın 2025-2026-jıllarda jedel kompleksli rawajlandırıw baǵdarlaması sheńberinde jol qurılıs jumısları basqıshpa-basqısh alıp barılmaqta.

Atap aytqanda, D234 “Nókis-Shımbay-Taxtakópir” avtomobil jolınıń 57-58-kilometr bóleginde asfaltlaw jumısları alıp barılmaqta. Processlerge 7 zamanagóy arnawlı texnika hám 12 jumısshı kúsh tartılǵan.

Bul keń kólemli jumıslardan gózlengen maqset – transport infrastrukturasın jańalaw, xalıqtıń kúndelikli turmısın qolaylastırıw, aymaqlararalıq baylanıslardı bekkemlew hám ekonomikalıq belsendilikti arttırıw bolıp esaplanadı.