⚡️A380 avtomobil jolında alıp barılıp atırǵan qurılıs jumısları úyrenildi

Húrmetli Prezidentimizdiń tapsırması menen Qaraózek hám Beruniy rayonları aymaǵınan ótetuǵın A380 “Ǵuzar-Buxara-Nókis-Beynew” avtomobil jolınıń 673-698 km (25 km) bólegin Aziya rawajlanıw bankiniń qatnasıwında cement-beton qaplama menen rekonstrukciyalaw belgilengen edi. Usı tiykarda búgingi kúnde beton qaplamasın tósew jumısları alıp barılmaqta.

Qurılıs proccesiniń barısı Ózbekstan Respublikası Avtomobil jolları komiteti baslıǵınıń orınbasarı Amriddin Abdurahmanov hám Qaraqalpaqstan Respublikası Avtomobil jolları bas basqarması baslıǵı Umrbek Matnazarov qatnasıwında ornında úyrenildi. Juwapkerler tárepinen belgilengen norma hám sapa talaplarına ámel etiliwi ayrıqsha itibar menen kózden ótkerildi. Jumıslardı grafik tiykarında alıp barıw boyınsha jumıstı bólip alıp islewshilerge tiyisli kórsetpeler berildi.