⚡️Qo‘ng‘irot tumani yo‘l infratuzilmasi yaxshilanmoqda

O‘zbekiston Respublikasi Prezidentining 2025-yil 1-apreldagi “Respublika hududlarini jadal kompleks rivojlantirish uchun tanlab olingan tuman (shahar)larda amaliy chora-tadbirlarni amalga oshirish to‘g‘risida”gi PQ-312 sonli qaroriga asosan, Qo‘ng‘irot tumanini 2025–2026-yillarda jadal kompleks rivojlantirish dasturi doirasida keng ko‘lamli ishlar boshlab yuborildi.

Mazkur dastur doirasida Qo‘ng‘irot tumanida yo‘l infratuzilmasini modernizatsiya qilish, aholiga qulay sharoit yaratish va transport tizimini takomillashtirish ishlari amalga oshirilmoqda.

Bugungi kunda “Qo‘ng‘irot tumani yo‘llardan foydalanish” davlat muassasasi tomonidan “Qoraqalpog‘iston” ko‘chasi PK 08+25 dan PK 21+00 gacha oralig‘ida yo‘lni kengaytirish ishlari olib borilmoqda.

Ushbu qurilish ishlari yakuniga yetkazilgach, transport qatnovi yanada qulaylashadi, yo‘l harakati xavfsizligi oshadi hamda aholi uchun zamonaviy sharoitlar yaratiladi.