D234 «Nukus-Chimboy-Taxtako‘pir» avtomobil yo‘lining Kegeyli tumani hududidan o‘tgan qismida asfalt yotqizish ishlari olib borilmoqda.

D234 “Nukus–Chimboy–Taxtako‘pir” avtomobil yo‘lining Kegayli tumani hududidan o‘tgan 28–31-kilometr qismida asfalt yotqizish ishlari olib borilmoqda.

Mazkur ta’mirlash ishlari Kegayli tumani Yo‘llardan foydalanish davlat muassasasi tomonidan tashkil etilib, jarayonga 8 ta maxsus texnika hamda 14 nafar ishchi safarbar etilgan.

Bugungi kunda yo‘lsozlik sohasi mamlakatimiz infratuzilmasining eng muhim yo‘nalishlaridan biri sifatida doimiy e’tiborda turibdi. Prezidentimiz tashabbuslari bilan yurtimiz bo‘ylab keng ko‘lamli qurilish va rekonstruksiya ishlari amalga oshirilayotgani natijasida nafaqat shaharlararo, balki tuman va qishloqlarimiz ham sifatli, xavfsiz yo‘llar bilan bog‘lanmoqda. Bu esa iqtisodiyotning barqaror rivojlanishiga, hududlar o‘rtasidagi savdo-sotiq va ijtimoiy aloqalarning yanada jadallashishiga xizmat qilmoqda.

Kegayli tumanidagi ushbu yo‘lni yangilash ishlari ham mazkur ezgu maqsadlarning amaldagi ifodasidir. Yangidan yotqizilayotgan asfalt yo‘llar — nafaqat haydovchilar uchun qulaylik, balki butun aholi uchun farovonlik va taraqqiyot sari tashlanayotgan qadamdir.