#Tabrik

O‘zbekiston Respublikasi Prezidentining “O‘zbekiston Respublikasi mustaqilligining o‘ttiz to‘rt yilligi munosabati bilan davlat xizmatchilari hamda ishlab chiqarish va ijtimoiy-iqtisodiy sohalar xodimlaridan bir guruhini mukofotlash to‘g‘risida”gi Farmoniga (https://president.uz/uz/lists/view/8416
) binoan, Nukus tumani Yo‘llardan foydalanish davlat muassasasi asfalt yotqizish mashinasi haydovchisi Seytekov Turganbay Berdanovich yurtimizning yuksak e’tirofi — “Do‘stlik” ordeni bilan taqdirlandi.

Bu sharafli mukofot nafaqat ustozimiz va hamkasbimizning fidokorona mehnatlariga berilgan munosib baho, balki butun jamoamiz uchun ham katta g‘urur va ilhom manbai bo‘ldi.

Qoraqalpog‘iston Respublikasi Avtomobil yo‘llari bosh boshqarmasi jamoasi nomidan mukarram hamkasbimizni chin qalbimizdan muborakbod etamiz! Sizning halol mehnatingiz, tinimsiz sa’y-harakatlaringiz va fidoyiligingiz bundan buyon ham Vatanimiz ravnaqi va xalqimiz farovonligi yo‘lida yorqin yutuqlarga zamin bo‘lishiga ishonamiz.