⚡️Yo‘l – nafaqat hududlarni bog‘lovchi infratuzilma, balki odamlar qalbini birlashtiruvchi ko‘prikdir

Taxtako‘pir tumani aholisi uchun quvonarli yangilik – endilikda “Otako‘l” OFY hududiga olib boruvchi asosiy yo‘lning muhim qismi yangidan asfalt qoplamaga ega bo‘ldi. “Tashabbusli budjet” dasturining 2025-yilgi 1-mavsumi doirasida 95V057 “D234 avtomobil yo‘lidan – Otako‘l OFY ga” yo‘lining 3–5-kilometr oralig‘ida 1,4 kilometr uzunlikda asfalt yotqizish ishlari amalga oshirildi.

Mazkur loyiha Qoraqalpog‘iston Respublikasi Mintaqaviy yo‘llarga buyurtmachi davlat muassasasining buyurtmasiga asosan, Beruniy tumani yo‘llardan foydalanish davlat muassasasi tomonidan sifatli va zamonaviy texnologiyalar asosida bajarildi.

Yo‘l – nafaqat hududlarni bog‘lovchi infratuzilma, balki odamlar qalbini birlashtiruvchi ko‘prikdir. Shu bois, Otako‘l qishlog‘i aholisi uchun bu yo‘lning yangilanishi hayot sifatini oshirish, qulaylik yaratish hamda iqtisodiy aloqalarni mustahkamlashda muhim ahamiyat kasb etadi.