⚡️»Tashabbusli budjet» dasturi doirasida Bo‘zatov tumanida yo‘l infratuzilmasi yaxshilanmoqda

Xalqimizning ijtimoiy hayotini yaxshilash, aholi muammolarini bevosita ularning ishtiroki bilan hal etish maqsadida joriy etilgan “Tashabbusli budjet” dasturining 2025-yil 1-mavsumi doirasida Bo‘zatov tumanida muhim loyiha amalga oshirilmoqda.

1-mavsum yakunlariga ko‘ra, Bo‘zatav PFY hududidagi “Mustaqillik”, “Ustozlar” va “Bo‘zatov” ko‘chalarining 2 kilometr 100 metr qismi yangidan asfaltlash loyihasi eng ko‘p ovoz to‘plab, g‘olib deb topildi. Ushbu loyiha aholi tashabbusi va ovozi asosida tanlangan bo‘lib, tuman aholisining ko‘p yillik muammosini hal etishga xizmat qiladi.

Avvalgi yillarda ushbu yo‘llarning qoplamasi yaroqsiz holga kelib, transport harakati va piyodalar xavfsizligiga salbiy ta’sir ko‘rsatgan. Loyiha yakunida 2,1 kilometr uzunlikdagi yo‘l zamonaviy asfalt qoplamasi bilan ta’minlanadi. Natijada mahalliy aholi, ayniqsa o‘quvchilar, ishchi-xodimlar va tadbirkorlar uchun qulay va xavfsiz harakatlanish imkoniyati yaratiladi. Transport qatnovi yaxshilanib, yo‘l-transport hodisalari xavfi kamayadi.

Bu loyiha “Tashabbusli budjet” dasturining aholining bevosita fikri va ovozi asosida ijtimoiy infratuzilma muammolarini samarali hal etishdagi amaliy natijasidir.