⚡️Millatlararo totuvlik, diniy bag‘rikenglik, korrupsiyaga qarshi kurash va yo’l qurilish sifati ustidan nazorat masalalariga bag‘ishlangan yig‘ilish bo‘lib o‘tdi

Qoraqalpog‘iston Respublikasi Avtomobil yo‘llari bosh boshqarmasida yo‘l qurilishi sohasida millatlararo totuvlik va diniy bag‘rikenglikni ta’minlash, diniy ekstremizm va separatizmga qarshi kurashish, shuningdek korrupsiyaning oldini olish va qurilish sifati ustidan nazoratni kuchaytirishga bag‘ishlangan yig‘ilish bo‘lib o‘tdi.

Tadbirda Boshqarma boshlig‘i U. Matnazarov, Transport nazorati inspeksiyasining Qoraqalpog‘iston Respublikasi filiali inspektori Z. Abdisheripov, Qoraqalpoq Davlat Universiteti professor-o’qituvchisi  T. Abdullayev, shuningdek boshqarma tarkibidagi tuman yo‘l idoralari rahbarlari va boshqarma xodimlari ishtirok etdi.

Yig‘ilish davomida so‘zga chiqqanlar tomonidan diniy bag‘rikenglik muhitini mustahkamlash, ekstremizm va separatistik g‘oyalarning oldini olish bo‘yicha tushuntirish ishlari olib borildi. Shu bilan birga, yo‘l qurilishi sohasida korrupsiyaga qarshi kurashish, qonunbuzarliklarni bartaraf etish, shaffoflikni ta’minlash hamda qurilish ishlari sifatini doimiy nazorat qilib borish zarurligi alohida ta’kidlandi.