⚡️Yo‘l infratuzilmasi – taraqqiyot garovi

Yurtimizda yo‘l-transport infratuzilmasini zamon talablariga mos holga keltirish, aholiga xavfsiz va qulay harakatlanish imkoniyatlarini yaratish bo‘yicha tizimli ishlar izchil davom etmoqda. Bu boradagi sa’y-harakatlar Nukus tumanida ham o‘z ifodasini topmoqda.

Jumladan, D233 (4R175) “Nukus shahri – Oqmang‘it – Kegeyli – Chimboy – Qozoqdaryo qishlog‘i” avtomobil yo‘lining 11–12-kilometr oralig‘ida ta’mirlash ishlari olib borilmoqda.

Mazkur ta’mirlash ishlari Nukus tumani yo‘llardan foydalanish davlat muassasasi tomonidan amalga oshirilmoqda. Jarayonga 8 ta maxsus texnika vositasi va 17 nafar ishchi-xodim jalb etilgan.

Yo‘l infratuzilmasiga qaratilayotgan e’tibor mintaqaviy rivojlanish, transport harakati xavfsizligi va iqtisodiy faollikni yanada kuchaytirishga xizmat qilmoqda. Har bir tiklangan yo‘l – aholi turmush farovonligiga qo‘shilgan yana bir muhim hissa, desak mubolag‘a bo‘lmaydi.