⚡️RASMIY MUNOSABAT

Ijtimoiy tarmoqlarda tarqalgan (https://www.facebook.com/zafar.otahon/posts/pfbid0jW8uobdD1m8MdFAst4ycHYqEa5xXxjokNyRHXaeS5EiSFKLwoiGLgB2iFmyz8tVcl) murojaatga Qoraqalpog‘iston Respublikasi Avtomobil yo‘llari bosh boshqarmasi rasmiy munosabat bildiradi.

Ushbu avtomobil yo‘li mahalliy ahamiyatga ega 95V018 (4K26) «Ozod DFX- Qizil qal’a» avtomobil yo‘li bo‘lib, yo‘lining uzunligi umumiy 23 km ni tashkil qiladi. Haqiqatan ham, avtomobil yo‘li bugungi kunda ta’mirtalab ahvolga kelib qolgan. Beruniy tumani yo‘llardan foydalanish davlat muassasasining ichki imkoniyatlaridan kelib chiqqan holda avtomobil yo‘lida joriy ta’mirlash ishlari olib borilishi rejalashtirilgan.

Ma’lumot uchun: ushbu hududdagi yo‘l holati bo‘yicha Tashabbusli budjet dasturining 2025-yil II-mavsumiga loyiha kiritilishi rejalashtirilgan bo‘lib, hozirda tegishli hujjatlar tayyorlash va tashabbusni ro‘yxatga olish bo‘yicha ishlar olib borilmoqda. Shu munosabat bilan, ushbu hudud aholisi va fuqarolaridan mazkur yo‘l loyihasiga ovoz berishda faol ishtirok etishlarini so‘rab qolamiz.