⚡️RASMIY MUNOSABAT

Ijtimoiy tarmoqlarda tarqalgan videomurojaat (https://t.me/makarenko_channel/7541) yuzasidan Qoraqalpog‘iston Respublikasi Avtomobil yo‘llari bosh boshqarmasi quyidagilarni ma’lum qiladi:

📍 Murojaatda tilga olingan avtomobil yo‘li — Davlat ahamiyatiga ega D231 (4R173) “Qo‘ng‘irot–Mo‘ynoq” avtomobil yo‘lining Qo‘ng‘irot tumani hududidan o‘tuvchi 14–16-km oralig‘i bo‘lib, ushbu qismda Qo‘ng‘irot tumani Yo‘llardan muntazam foydalanish davlat muassasasi tomonidan ta’mirlash ishlari olib borilishi rejalashtirilgan. Shu maqsadda yo‘lning nosoz qismlari yo‘l frezasi yordamida kesib olingan va belgilangan tartibda ta’mirlash ishlari olib borilmoqda.

Bundan tashqari, “Qo‘ng‘irot–Mo‘ynoq” avtomobil yo‘lining Mo‘ynoq tumani hududidan o‘tuvchi 49–52-km oralig‘ida ham joriy ta’mirlash ishlari davom ettirilmoqda. Shuningdek, 2025-yilda Tashabbusli byudjet loyihasining 1-mavsumida ushbu avtomobil yo‘lining 23–26-km (3 km) oralig‘ini yangilash ishlari g‘olib deb topilgan bo‘lib, ayni vaqtda ushbu yo‘l qismi bo‘yicha qurilish-ta’mirlash ishlari boshlanishi arafasida ekanligini ma’lum qilamiz.

🏢Qoraqalpog‘iston Respublikasi Avtomobil yo‘llari bosh boshqarmasi matbuot xizmati