⚡️Xalıqaralıq avtomobil jolında rekonstrukciya jumısları dawam etpekte

Qaraqalpaqstan Respublikası aymaǵınan ótiwshi xalıqaralıq avtomobil jolınıń ótkeriwsheńlik dárejesin arttırıw hám onı zamanagóy talaplarǵa beyimlestiriw boyınsha sistemalı jumıslar ámelge asırılmaqta. Bul jumıslar Húrmetli Prezidentimizdiń qarar hám pármanlarına muwapıq basqıshpa-basqısh alıp barılıp atırǵanı menen áhmiyetli.

Atap aytqanda, Prezidentimizdiń 2024-jıl 24-dekabrdegi “2025–2027-jıllarda Ózbekstan Respublikasınıń sociallıq hám óndirislik infrastrukturasın rawajlandırıw ilajları haqqında”ǵı PQ–454-sanlı qararında A380 “Ǵuzar–Buxara–Nókis–Beynew” avtomobil jolınıń 698–723-kilometr aralıǵın rekonstrukciyalaw wazıypası belgilengen.

Usı qarardıń orınlanıwı sheńberinde búgingi kúnde Qıpshaq Jollardan turaqlı paydalanıw mámleketlik shólkemi tárepinen 710 – 716-kilometr bóleginde asfalt tósew proccesi alıp barılmaqta.

Rekonstrukciya nátiyjesinde A380 avtomobil jolınıń bul bólegi jáne de sapalı, qáwipsiz hám joqarı ótkeriwsheńlikke iye boladı. Bul bolsa tek ǵana transport qurallarınıń háreketi ushın qolaylıq jaratıp qoymastan, al aymaqlararalıq ekonomikalıq baylanıslardı bekkemlewge de xızmet etedi.