⚡️Prezidentimizdiń PQ-248-sanlı qararı ámelde: D234 avtomobil jolında ońlaw jumısları alıp barılmaqta

Húrmetli Prezidentimizdiń “Qaraqalpaqstan Respublikasın sociallıq-ekonomikalıq rawajlandırıwǵa qaratılǵan ilajlardı bunnan bılay da jedellestiriw haqqında”ǵı PQ-248-sanlı qararına muwapıq, Nókis qalasınan Taxtakópir rayonına alıp barıwshı D234 “Nókis-Shımbay-Taxtakópir” avtomobil jolınıń 59 kilometrlik bólegin ońlaw ushın 15 milliard sum qarjı ajıratılǵan.

Usı qarardıń orınlanıwı sheńberinde búgingi kúnde qurılıs-ońlaw jumısları baslap jiberilgen bolıp, joldıń Shımbay rayonı aymaǵındaǵı 47-48-kilometr bóleginde asfalt tósew jumısları basqıshpa-basqısh ámelge asırılmaqta.

Jumıs processlerine 7 zamanagóy arnawlı texnika hám 12 jumısshı kúsh tartılǵan. Bul ońlaw jumıslarınıń nátiyjesinde tek ǵana transport infrastrukturası jańalanıp qoymastan, al xalıqtıń kúndelikli turmısı jeńillesip, aymaqlararalıq baylanıslar bekkemlenedi hám ekonomikalıq belsendilik jáne de artadı.