⚡️Qala kósheleri abat bolmaqta

Qaraqalpaqstan Respublikası Aymaqlıq jollarǵa buyırtpashı mámleketlik shólkeminiń buyırtpasına tiykarlanıp, “Shabbaz tas” JShJ tárepinen Nókis qalası “Shıģıs” mákan puqaralar jıyını aymaǵındaǵı O. Aziya kóshesiniń 670 metr bólegine asfalt tósew jumısları orınlandı. Bul joybar máhálle xalqınıń uzaq jıllıq talabınan kelip shıǵıp ámelge asırıldı.

Bul baslama nátiyjesinde kóshede zamanagóy qolaylıqlar jaratılmaqta, transport háreketi jáne de qáwipsiz hám nátiyjeli bolıwına tiykar tayarlanbaqta. Eń áhmiyetlisi, xalıqtıń kúndelikli turmısı jeńillesip, máhálleniń abatlıǵı hám kórkemligi jáne de artpaqta.