background

Avtomobil jollarında ámelge asırılıp atırǵan jumıslar boyınsha press-tur shólkemlestirildi. ⚡️

Admin 11-September-2026

Avtomobil jollarında ámelge asırılıp atırǵan jumıslar boyınsha press-tur shólkemlestirildi. ⚡️

Qaraqalpaqstan Respublikası avtomobil jollarında alıp barılıp atırǵan qurılıs hám rekonstrukciya jumısları menen tanıstırıw maqsetinde ǵalaba xabar quralları wákilleriniń qatnasıwında press-tur shólkemlestirildi.

Press-tur dawamında Qaraózek hám Beruniy rayonları aymaǵınan ótiwshi A380 “Ǵuzar-Buxara-Nókis-Beynew” avtomobil jolınıń 673-698-kilometrleri aralıǵındaǵı 25 kilometrlik bóleginde Aziya rawajlanıw bankiniń qatnasıwında ámelge asırılıp atırǵan rekonstrukciya jumısları menen tanıstı. Bul jol bóleginde cement-beton qaplamasın tósew jumısları alıp barılmaqta.

Sonday-aq, Ózbekstan Respublikası Prezidentiniń 2026-jıl 5-fevraldaǵı PQ-49-sanlı qararı tiykarında Bozataw rayonında ámelge asırılıp atırǵan jol qurılıs-ońlaw jumısları da úyrenildi. Atap aytqanda, “Erkindárya” APJ aymaǵında alıp barılıp atırǵan dóretiwshilik jumısları, jollardıń jańalanıwı hám olardıń máhálle xalqınıń turmısındaǵı áhmiyeti haqqında máhálle belsendisi Palxan Abatovanıń pikir-usınısları tıńlandı.

Press-tur dawamında ámelge asırılıp atırǵan joybarlardıń aymaq transport infrastrukturasın rawajlandırıw, jol háreketi qáwipsizligin arttırıw hám xalıq ushın qolaylı sharayatlar jaratıwdaǵı áhmiyetine itibar qaratıldı.

Skip to content