
Ǵalaba xabar quralları ushın kontent tayarlaw orayında ótkerilgen brifingte Avtomobil jolları komiteti Málimleme xızmetiniń baslıǵı Nilufar Jumaeva jol infrastrukturasın rawajlandırıwǵa qaratılıp atırǵan sırt el investiciyaları hám ámelge asırılıp atırǵan joybarlar haqqında málim etti. (https://telegra.ph/Ózbekistonda-200-km-avtomobil-ywllarini-qurish-va-rekonstrukciya-qilish-rejalashtirilgan-10-20)
Usı jılı tarawda jámi 15 joybar, sonıń ishinde, xalıqaralıq finans institutlarınıń qatnasıwında 13 hám mámleketlik-jeke menshik sheriklik tiykarında 2 joybar ámelge asırılmaqta. Olar sheńberinde 442 million dollar ózlestiriw hám 200 kilometr avtomobil jolların qurıw jáne rekonstrukciyalaw rejelestirilgen. Bul kórsetkish 2025-jılǵa salıstırǵanda 1,5 esege kóp.
Usı jıldıń yanvar-sentyabr aylarında 9 joybar sheńberinde 110 km avtomobil jolı rekonstrukciyalandı. Onıń ushın 214,3 million dollar muǵdarında jumıslar orınlanıp, belgilengen reje 101 procentke orınlandı.
Sonday-aq, jol infrastrukturasın rawajlandırıw hám tarawǵa jańa investiciyalardı tartıw maqsetinde 50 den aslam sırt elli sherikler menen ushırasıwlar ótkerildi. Bul joybarlar jollardıń jaǵdayın jaqsılaw, aymaqlar arasındaǵı transport baylanısların rawajlandırıw hám puqaralar ushın qolaylı qatnaw sharayatların jaratıwǵa xızmet etedi.
https://t.me/avtoyulqumita/88886