⚡️Nókis qalasında jol infrastrukturası jaqsılanbaqta

“Baslamalı byudjet” baǵdarlaması sheńberinde jeńimpaz bolǵan joybar tiykarında Nókis qalası “Uzınkól” MPJ aymaǵındaǵı Rayxan hám Tabıs kósheleriniń 2.1- kilometr bólegine jańa asfalt qaplaması tóselmekte.

Bul joybar Qaraqalpaqstan Respublikası Aymaqlıq jollarǵa buyırtpashı xızmeti mámleketlik shólkemi buyırtpashılıǵında “Aral jol qurılıs” JShJ tárepinen ámelge asırılmaqta.

Joybar juwmaqlanǵannan soń, máhálle xalqı ushın qolaylı hám qáwipsiz háreketleniw sharayatları jáne de jaqsılanadı.