⚡️ RÁSMIY MÚNÁSIBET

Sociallıq tarmaqlarda (https://t.me/Kar24Uz/55772) Tórtkól rayonı hám Ellikqala rayonların baylanıstırıwshı D239 “A380 avtomobil jolınıń 661-kilometrinen – Qızılqala awılı – Bostan qalası – Guldursun awılı – Tórtkól qalası” avtomobil jolınıń 61 – 62-kilometrinde júzege kelgen kemshilikler sáwlelengen video múrájat tarqaldı.

Bul múrájat Qaraqalpaqstan Respublikası Avtomobil jolları Bas basqarmasınıń juwapker xızmetkerleri tárepinen úyrenip shıǵıldı.
Úyreniw nátiyjesinde joldıń usı bóleginde júzege kelgen kemshiliklerdi saplastırıw hámde jol háreketi qatnasıwshıları ushın qáwipsiz hám qolaylı háreketleniw sharayatın támiyinlew maqsetinde tiyisli ońlaw jumısları baslap jiberilgenligin málim etemiz.

Anıqlanǵan kemshiliklerdi tolıq saplastırıw boyınsha jumıslar juwapkerlerdiń qadaǵalawına alınǵan.
Avtomobil jollarınıń jaǵdayı hám jol háreketi qáwipsizligin támiyinlew máselesi turaqlı itibarda bolıp, bul baǵdardaǵı jumıslar belgilengen tártipte dawam ettiriledi.