⚡️ A380 avtomobil jolında alıp barılıp atırgan qurilis jumısları úyrenildi

Húrmetli Prezidentimizdiń tapsırması menen Qaraózek hám Beruniy rayonları aymaǵınan ótetuǵın A380 “Ǵuzar—Buxara—Nókis—Beynew” avtomobil jolınıń 673—698-kilometrleri aralıǵındaǵı 25 kilometr bólegin Aziya rawajlanıw bankiniń qatnasıwında cement-beton qaplama menen rekonstrukciyalaw belgilengen edi. Usı tiykarda házirgi waqıtta usı jol bóleginde qurılıs jumısları alıp barılmaqta.

Qurılıs procesiniń barısı Ózbekstan Respublikası Transport prokurorınıń orınbasarı, ádillik aǵa keńesgóyi Doniyor Rahmatullaev hám Aralboyı transport prokurorı Dauletbay Madenov tárepinen úyrenildi.

Úyreniw dawamında juwapkerler tárepinen qurılıs jumıslarında belgilengen norma hám sapa talaplarına ámel etiliwi ayrıqsha itibar menen kózden ótkerildi. Sonday-aq, jumıslardı belgilengen keste tiykarında alıp barıw boyınsha jumıstı bólip alıp islewshi shólkem juwapkerlerine tiyisli kórsetpeler berildi.