⚡️D234 AVTOMOBIL JOLINIŃ KEGEYLI RAYONINAN ÓTKEN BÓLEGI KEŃEYTILMEKTE

D234 “Nókis – Shımbay – Taxtakópir” avtomobil jolınıń Kegeyli rayonı aymaǵınan ótiwshi 21-22-kilometr bóleginde joldı keńeytiw jumısları alıp barılmaqta.

Avtomobil jolınıń bul bólegi aldın 12 metr keńlikte bolǵan. Ámelge asırılıp atırǵan jumıslar juwmaqlanǵannan soń, joldıń eni 22 metrge jetkeriledi. Bul bolsa usı aymaqta transport qurallarınıń háreketleniwi ushın jáne de qolaylı sharayat jaratıw, joldıń ótkeriwsheńligin arttırıw hám háreket qáwipsizligin támiyinlewge xızmet etedi.

Bul jumıslar Kegeyli rayonı Jollardan paydalanıw mámleketlik shólkemi tárepinen ámelge asırılmaqta.