Bayram ilaji

Ózbekstan Respublikası ǵárezsizliginiń 35 jıllıǵı elimizde “Bir Watan bir xalıq bolıp jańa turmıs hám keleshek quramız” degen iygilikli súren astında keńnen belgilenbekte.

Bayram aldında elimizdiń rawajlanıwına óziniń múnásip úlesin qosıp kiyatırǵan, tarawda nátiyjeli miynet etip atırǵan watanlaslarımızdıń pidákerlik xızmeti múnásip tán alınbaqta.

Usı múnásibet penen Qaraqalpaqstan Respublikası Avtomobil jolları Bas basqarmasında Ózbekstan Respublikası ǵárezsizliginiń 35 jıllıǵına baǵıshlanǵan ilaj bolıp ótti.

Ilajda Basqarma baslıǵı Umrbek Matnazarov shıǵıp sóylep, barlıq xızmetkerlerdi ullı áyyam – Ǵárezsizlik bayramınıń 35 jıllıǵı menen qızǵın qutlıqladı hám olarǵa bekkem densawlıq, shańaraqlıq tınıshlıq hám aldaǵı jumıslarında tabıslar tiledi.

Sonday-aq, Basqarma sistemasındaǵı shólkemlerde uzaq jıllar dawamında nátiyjeli hám pidayı miynet etip kiyatırǵan bir topar xızmetkerlerge Avtomobil jolları komiteti baslıǵınıń minnetdarshılıq xatları hám estelik sawǵaları saltanatlı túrde tapsırıldı.

Bayram ilajı kóterińki ruwxta ótip, taraw xızmetkerlerine jańa kúsh hám ilham baǵıshladı.