⚡️”Qazaqdárya” APJ aymaǵındaǵı ishki jollar asfaltlanbaqta

Húrmetli Prezidentimizdiń 2026-jıl 5-fevraldaǵı “Aymaqlardı rawajlandırıw arqalı xalıqtıń dáramatların arttırıw, turaqlı jumıs orınların jaratıw hám kámbaǵallıqtı qısqartıw ilajları haqqında”ǵı PQ-49-sanlı qararınıń orınlanıwı sheńberinde Moynaq rayonında avtomobil jolların qurıw hám ońlaw jumısları izbe-iz dawam ettirilmekte.

Atap aytqanda, Moynaq rayonı “Qazaqdárya” APJ aymaǵındaǵı 3,2 kilometr uzınlıqtaǵı ishki jollarǵa asfalt qaplaması tósew jumısları ámelge asırıldı.

Bul jumıslar aymaqtaǵı jol infrastrukturasın jaqsılaw, xalıqtıń qáwipsiz hám qolaylı háreketleniwin támiyinlew hám máhállelerde jasaw sharayatların jáne de jaqsılawǵa xızmet etedi.