⚡️Qońırattıń “Ústirt” APJ aymaǵında jollar jańalanbaqta

Húrmetli Prezidentimizdiń 2026-jıl 5-fevraldaǵı PQ-49-sanlı “Aymaqlardı rawajlandırıw arqalı xalıqtıń dáramatların arttırıw, turaqlı jumıs orınların jaratıw hám kámbaǵallıqtı qısqartıw ilajları haqqında”ǵı qararınıń orınlanıwı sheńberinde Qaraqalpaqstan Respublikasında jol infrastrukturasın rawajlandırıwǵa qaratılǵan keń kólemli jumıslar izbe-iz ámelge asırılmaqta.

Atap aytqanda, Qońırat rayonı “Ústirt” APJ aymaǵındaǵı ishki avtomobil jolınıń 1 kilometr 700 metr bóleginde jańa asfalt qaplamasın tósew jumısları alıp barıldı.

Bul joybar aymaq xalqınıń qáwipsiz hám qolaylı háreketleniwin támiyinlew, transport qatnawın jaqsılaw hám jol infrastrukturasınıń sapasın arttırıwǵa xızmet etedi.