⚡️Moynaqta jáne bir áhmiyetli jol abat boladı

Moynaq rayonında 95V124 “Shaǵırlı-Porlataw” avtomobil jolınıń 15-24 km.ler aralıǵında (9 km. aralıq) qara qaplamalı asfalt tósew jumısları baslanıw aldında. Házirgi waqıtta bul process ushın zárúr tayarlıq jumısları baslap jiberilgen.

Bul jolǵa derlik 40 jıl dawamında jeterli itibar qaratılmaǵan. Waqıt ótiwi menen joldıń qatnaw bólegi jaramsız jaǵdayǵa kelip, oylar kóbeygen hám háreketleniw qıyınlasqan edi.
Búgingi kúnde bolsa Húrmetli Prezidentimizdiń arnawlı qararları tiykarında joldı ońlaw hám asfaltlaw jumısları jolǵa qoyılmaqta.

Jaqın kúnlerde usı aymaq turǵınları hám jolawshılar ushın:
▫️ qáwipsiz;
▫️ qolaylı;
▫️ zamanagóy jol sharayatı jaratıladı.

Bul jumıslar tek ǵana jol infrastrukturasın jaqsılap qoymastan, al aymaq xalqınıń turmıs abadanlıǵın arttırıwǵa da xızmet etedi.