⚡️Prezident qararı tiykarında “Qosjap” APJǵa alıp barıwshı avtomobil jolı asfaltlanbaqta

Húrmetli Prezidentimizdiń 2026-jıl 5-fevraldaǵı PQ-49-sanlı qararına muwapıq, Qanlıkól rayonı aymaǵındaǵı “Sarı altın” APJda jaylasqan 95V054 “Qosjap APJ orayı”na alıp barıwshı avtomobil jolınıń 0-6,2 kilometr bóleginde ońlaw jumısları alıp barılmaqta.

Bul joybar sheńberinde joldıń transport ekspluataciyalıq jaǵdayın jaqsılaw, háreket qáwipsizligi hám xalıqqa qolaylı sharayat jaratıw maqsetinde zárúr qurılıs-ońlaw jumısları ámelge asırılmaqta.

Ońlaw jumısları Xojeli rayonı jollardan paydalanıw mámleketlik shólkemi tárepinen belgilengen reje tiykarında sapalı hám óz waqtında orınlanbaqta. Bul jumıslardıń nátiyjesinde aymaq xalqı ushın qáwipsiz hám qolaylı transport qatnawı támiyinlenedi.