⚡️Qaraózek rayonında jol infrastrukturası jaqsılanbaqta

Qaraózek rayonı “Berdaq” APJ aymaǵındaǵı Kepe awılındaǵı ishki jollardıń 2 kilometr 280 metr bólegine jańa asfalt qaplaması tóseldi.

Bul joybar “Baslamalı byudjet” baǵdarlamasınıń 2026-jıl 1-máwsimi sheńberinde xalıq tárepinen eń kóp dawıs jıynap jeńimpaz bolǵan baslamalardan biri esaplanadı.

Qurılıs jumısları Qaraqalpaqstan Respublikası Aymaqlıq jollarǵa buyırtpashı xızmeti mámleketlik mákemesiniń buyırtpası tiykarında “Batırbek Xabibullaev” JShJ tárepinen ámelge asırıldı.

Bul joybar aymaq turǵınları ushın qolaylı hám qáwipsiz háreketleniw sharayatların jaratıw, transport qatnawın jaqsılaw hám awıl infrastrukturasın rawajlandırıwǵa xızmet etedi.