⚡️Nókis qalasında “Baslamalı byudjet” tiykarında ishki kósheler jańalanbaqta

“Baslamalı byudjet” baǵdarlamasınıń 2026-jıl 1-máwsimi sheńberinde jeńimpaz bolǵan joybar tiykarında Nókis qalası “Qutlı mákan” MPJ aymaǵındaǵı Sawir samalı, Dawran, Jańa birlik kósheleriniń 1 kilometr 650 metr bólegine jańa asfalt qaplaması tóselmekte.

Bul joybar Qaraqalpaqstan Respublikası Aymaqlıq jollarǵa buyırtpashı xızmeti mámleketlik mákemesi buyırtpashılıǵında “Universal Premium Stroy” JShJ tárepinen ámelge asırılmaqta. Joybar juwmaqlanǵannan soń, máhálle xalqı ushın jáne de qolaylı hám qáwipsiz háreketleniw sharayatı jaratıladı.