⚡️Kegeyli rayonında jol infrastrukturasın jaqsılaw jumısları dawam etpekte

Baslamalı byudjet baǵdarlamasınıń 2026-jıl 1-máwsimi sheńberinde Kegeyli rayonı “Abat mákan” MPJ aymaǵındaǵı “El ǵáziynesi” kóshesiniń 1 kilometr 730 metr bólegin jańadan asfaltlaw joybarı jeńimpaz dep tabılǵan edi.

Búgingi kúnde usı joybar sheńberinde kóshege asfalt qaplaması tósew jumısları ámelge asırıldı. Bul qurılıs jumısları Qaraqalpaqstan Respublikası Aymaqlıq jollarǵa buyırtpashı xızmeti mámleketlik mákemesi buyırtpashısı tárepinen “Doniyor Avto Servis” JShJ tárepinen orınlandı.

Bul joybar xalıq tárepinen alǵa qoyılǵan baslamalardıń ámeliy nátiyjesi bolıp, aymaqtaǵı transport qatnawınıń qolaylılıǵın arttırıw, puqaralar ushın jáne de múnásip infrastruktura jaratıwǵa xızmet etedi.