⚡️Beruniy rayonı máhállelerinde infrastrukturanı jaqsılaw boyınsha ámeliy jumıslar dawam etpekte

Húrmetli Prezidentimizdiń 2026-jıl 5-fevraldaǵı PQ-49-sanlı “2026-jılda aymaqlardı rawajlandırıw arqalı xalıqtıń dáramatın arttırıw, turaqlı jumıs orınların jaratıw hám kámbaǵallıqtı qısqartıw ilajları haqqında”ǵı qararına muwapıq, respublikamız boylap infrastrukturası awır hám kámbaǵallıq dárejesi joqarı bolǵan 96 máhállede keń kólemli qurılıs jumısları ámelge asırılmaqta.

Bul baǵdarlama sheńberinde Beruniy rayonındaǵı 7 máhállede infrastrukturanı jaqsılaw boyınsha bir qatar joybarlar belgilengen.

Búgingi kúnde rayonnıń “Xorezm” mákan puqaralar jıyınında ishki kóshelerdi asfaltlaw jumısları jedel pátlerde alıp barılmaqta. Joybar sheńberinde máhálledegi 7 ishki kóshede jámi 4 kilometr aralıqqa asfalt qaplamasınıń jatqarılıwı rejelestirilgen.

Ámelge asırılıp atırǵan jumıslar máhálle xalqınıń transport qatnawı ushın qolaylı sharayat jaratıw, ishki jollardıń sapasın jaqsılaw hám aymaqtıń infrastrukturasın bunnan bılay da rawajlandırıwǵa xızmet etpekte.